8. и од Ерусалим, од Идумеја и од другата страна на Јордан; од околината на Тир и Сидон, големо множество дојде при Него, откако чуја што правел.
9. И им рече на Своите ученици да Му се приготви еден кораб, заради народот, за да не Го притискаат.
10. Бидејќи мнозина излекува, така што навалуваа на Него сите, кои страдаа, за да Го допрат.
11. И нечистите духови, штом ќе Го видеа, паѓаа пред Него и викаа, велејќи: „Ти си Божји Син!”
12. И им забрануваше строго да не Го разгласуваат.