7. Ете, Јас ќе ги подигнам од местото, каде и да ги продадовте, и ќе направам вашето злосторство да падне на главите ваши.
8. Ќе им ги продадам вашите синови и ќерки на Јудините синови, а тие ќе им ги продадат на Савејците, далечен народ. Зашто Господ рече!”
9. Разгласете го ова меѓу народите: „Пригответе се за војна! Подигајте јунаци! Напред, нападнете, сите војници!
10. Прековете ги ралата во мечеви, срповите во копја, слабиот нека рече: ‘Јунак сум!’”
11. Побрзајте и дојдете, сите околни народи, и соберете се онаму! (Господи, испрати ги онаму Твоите јунаци).
12. „Станете народи, дојдете во Долината Јосафат, зашто таму ќе седнам да им судам на сите околни народи.