6. ወደ ትእዛዛትህ ስመለከት፣በዚያን ጊዜ አላፍርም።
7. የጽድቅ ፍርድህን ስማር፣በቅን ልብ ምስጋና አቀርብልሃለሁ።
8. ሥርዐትህን እጠብቃለሁ፤ፈጽመህ አትተወኝ።
9. ጒልማሳ መንገዱን እንዴት ያነጻል?በቃልህ መሠረት በመኖር ነው።
10. በሙሉ ልቤ ፈለግሁህ፤ከትእዛዛትህ ፈቀቅ እንዳልል አድርገኝ።
11. አንተን እንዳልበድል፣ቃልህን በልቤ ሰወርሁ።
12. እግዚአብሔር ሆይ፤ አንተ ቡሩክ ነህ፤ሥርዐትህን አስተምረኝ።
13. ከአንደበትህ የሚወጣውን ደንብ ሁሉ፣በከንፈሬ እናገራለሁ።
14. ሰው በሀብቱ ብዛት ደስ እንደሚለው፣ምስክርነትህን በመከተል ደስ ይለኛል።
15. ድንጋጌህን አሰላስላለሁ፤ልቤን በመንገድህ ላይ ጥያለሁ።
16. በሥርዐትህ ደስ ይለኛል፤ቃልህንም አልዘነጋም።
17. ሕያው እንድሆን፣ ቃልህንም እንድጠብቅ፣ለአገልጋይህ መልካም አድርግ።
18. ከሕግህ ድንቅ ነገርን እንዳይ፣ዐይኖቼን ክፈት።
19. እኔ በምድር ላይ መጻተኛ ነኝ፤ትእዛዛትህን ከእኔ አትሰውር።
20. ዘወትር ደንብህን በመናፈቅ፣ነፍሴ እጅግ ዛለች።
21. ከትእዛዛትህ የሳቱትን፣እብሪተኞችንና ርጉሞችን ትገሥጻለህ።